Aller au menu
Aller au pied de page

22. Autres branles morgués

Arbeau.

BRANLE DES SABOTS.

Rosinus en son livre des antiquitez Romaines rapporte aprez Denis Halicarnassée livre 7. qu'entre les magnificences que l'on faisoit à Rome és pompes des jeux publicques, marchoient en leur renc les danceurs, avec les tibies, harpes & barbytons, l'un desquels danceurs marchoit devant les aultres, & leur monstroit certaines formules de dances & morgues, que tous les aultres qui le suyvoient, s'efforçoient de contrefaire aprez luy, comme s'ils eussent joué au guignolet: A ceste semblance fut faicte en ceste ville de Lengres une mascarade, en laquelle une mere-Folie precedoit trois fols, & leur prescrivoit certains gestes, puis se retornoit pour veoir si lesdits trois fols ses enfans, feroient bien comme elle: Ils dançoient le branle des sabots, qu'ils y avoient adapté.

Capriol.

Comment se dance ce branle des sabots?

Arbeau.

Par mesure binaire, comme les branles doubles, en faisant quatre pas a main gaulche, puis quatre pas a main droicte. Puis deux simples, & trois tappements de pieds que l'on repete.

Tabulature du branle des sabots.

Air de ce branle.	Mouvements d'iceluy.
	Pied gaulche largy.	Ces quatre pas font un double gaulche.
	Pied droit approché.
	Pied gaulche largy.
	Pieds joincts.
	Pied largy droit.	Ces quatre pas font un double a droict.
	Pied gaulche approché.
	Pied largy droit.
	Pieds joincts.
	Pied gaulche largy.	Ces deux font un simple a gaulche.
	Pieds joincts.
	Pied largy droit.	Ces deux font simple droit.
	Pieds joincts.
	tappement du pied droit.
	tappement du pied droit.
	tappement du pied droit.
	En lieu de ces tappements de pied, on faict d'aultres morgues qui veult.

En ce branle des sabots, les hommes feront (si on veult) les trois premiers tappements des pieds, & cependant les femmes ne feront aucun mouvement, & a la repetition, les femmes feront les aultres trois tappements de pied, & cependant les hommes ne se bougeront: Puis tous ensemble recommenceront le branle, pour y faire nouvelle morgue qui voudra.

Capriol.

Ces tappements de pied me font souvenir des chevaulx quand il veuillent troubler l'eau, ou des haquenees, quand il leur tarde d'avoir le picotin d'aveine.

Arbeau.

B. DES CHEVAULX.

A ce propos, jay veu que l'on dançoit en ceste ville un branle, qu'on nommoit le branle des chevaulx, ou l'on faisoit des tappements de pied, comme au branle precedent, & me semble que l'air est tel ou semblable que voyez en la tabulature suyvante, laquelle se dançoit par mesure binaire, comme le branle commun, le jeune homme tenant sa Damoiselle par les deux mains. Le commencement de l'air dudit branle estoit comme voyez icy notté, & se dançoit par quatre doubles a gaulche, & par quatre doubles a droit.

	Double a gaul.	Double a droit.		Double a gaul.	Double

						[16]
	a droit.		Double a gaulche.	Double a droit.		Double

	a gaulche.	Double a droit.

Tabulature du reste de ce branle.

Air.	Mouvements.
	Deux tappements du pied droit par l'homme.	Pendant ces tappements de pied, & le tour que l'homme fait, la femme ne bouge.
	pied largy droit.	Ces deux pas font simple a droict.
	pieds joincts.
	pied largy gaulche.	Pendant ces quatre pas icy, l'homme fait un tour a la main gaulche.
	pied droit approché.
	pied largy gaulche.
	pieds joincts.
	Deux tappements de pieds droit. par la femme.	Pendant ces tappements de pied, & le tour que la femme fait, l'homme ne bouge.
	pied largy droit.	Ces deux pas font simple a gaulche. [17]
	pieds joincts.
Continuation de l'air.	Continuation des mouvements.
	pied largy gaulche.	Pendant ces quatre pas, la femme faict un tour a la main gaulche.
	pied droit approché.
	pied largy gaulche.
	pieds joincts.
	Ce fait, les danceurs se repreignent par les deux mains, & reiterent comme au commencement.

B. DE LA MONTARDE.

Aultresfois nous avons dancé un branle morgué, que l'on nommoit la montarde, qui se dançoit par mesure binaire, avec petits saults comme le hault-barrois, en allant tousjours a gaulche, sans divertir a la main droicte. Les danceurs sont en pareil nombre d'hommes & de femmes, un des hommes meyne le devant, une des femmes tient la queuhe, & dancent ensemble quatre doubles a gauche: quoy fait, le premier fait un tour en se separant des aultres: Puis la deuxieme fait un tour en s'approchant du premier: Puis le troisieme fait un tour en s'approchant de la deuxieme, & ainsi consequemment tous ceulx de la dance font chacun leur tour. Et quand la derniere à fait son tour, le premier fait une haye, en passant par devant les femmes, & par derrier les hommes, & se met a la queuhe prenant par la main la derniere femme: Et pendant qu'il fait ceste haye, les aultres (par devant & par derrier lesquels le premier est passé) se repreignent tous par les mains, & repetent le branle comme au commencement. Ainsi faisant, celle qui estoit la deuxieme, se treuve la premiere, & fault qu'elle face ainsi qu'à fait le premier au commencement, & ainsi chacun meyne le premier & le dernier a son tour: Et quand la derniere est venue a la primaulté, & qu'elle a fait la haye, elle se retreuve derniere comme elle estoit premierement: Lors les joueurs d'instruments finissent le branle, duquel voicy la tabulature.

Tabulature du branle de la Montarde.

Air de ce branle.	Pas & mouvements.
	Pied largy gaulche.	Ces quatre pas font un double a gaulche.
	Petit sault.
	Pied droit approché.
	Petit sault.
	Pied largy gaulche.
	Petit sault.
	Pieds joincts.
	Petit sault.
	Pied largy gaulche.	Ces quatre pas font encore un double a gaulche.
	Petit sault.
	Pied droit approché.
	Petit sault.
	Pied largy gaulche.
	Petit sault.
	Pieds joincts.
	Petit sault.
	Pied largy gaulche.	Ces quatre pas font encore un double a gaulche.
	Petit sault.
	Pied droit approché.
	Petit sault.
	Pied largy gaulche.
	Petit sault.
	Pieds joincts.
	Petit sault.
Continuation de l'air.	Continuation des mouvements.
	Pied largy gaulche.	Ces quatre pas font encore un double a gaulche.
	Petit sault.
	Pied droit approché.
	Petit sault.
	Pied largy gaulche.
	Petit sault.
	Pieds joincts.
	souspir.
	Pied en l'air gaulche.	Les joueurs d'instruments repetent ceste fin aultant de fois qu'il y a de danceurs, afin que chacun d'eulx face son tour, puis recommencent le branle, lors le premier fait la haye, & les aultres se repreignent par les mains pour dancer.
	Pied en l'air droit.
	Pied en l'air gaulche.
	Pieds joincts.

Capriol.

Ce branle de la montarde, est donc celuy que les Damoiselles appellent la haye.

Arbeau.

BRANLE DE LA HAYE.

La dance de la haye que vous dictes est aultre: Elle se dance par mesure binaire, comme la Courante Les danceurs seuls, & l'un aprez l'aultre, premierement dancent l'air en façon de Courante, & sur la fin s'entrelacent, & font la haye les uns parmy les aultres: Je vous donneray en premier lieu l'air de ladicte Courante, lequel (comme sçavez) va par deux simples double, puis je donneray l'air que les joueurs d'instruments sonnent sur la fin, pendant lequel, les danceurs s'entrelacent.

Tabulature de la dance de la haye.

	Deux simples	double.		Deux simples

	double.		Deux simples	double.

	Deux simples	double.

Air & mouvements de la haye.

	Pied gaulche avancé.	Pendant ces quatre pas, & aultres suyvants qui sont semblables, les danceurs font la haye, en changeant de place l'un l'aultre.
	Pied droit avance.
	Pied gaulche avance.
	Pieds joincts.
	Vous entendrez en la page suyvante, comme se doit continuer le reste de ladicte haye.
Continuation de l'air.	Continuation des mouvements.
	Pied droit avancé.	Pendant ces quatre pas, le premier de la dance continue la haye, jusques a ce qu'il soit venu a la derniere personne, & les joueurs sonnent tousjours ceste fin, jusques a ce que la haye soit faicte.
	Pied gaulche avancé.
	Pied droit avancé.
	Pieds joincts.

Capriol.

Je ne peulx pas bien comprendre ce que dictes de ceste haye.

Arbeau.

Vous l'entendrez bien facilement ainsi: Posez le cas qu'ils soient trois danceurs (cest le moindre nombre qui y peult estre) & ymaginez qu'ils soient comme voiez ces lettres A B C.

A B C.

És premiers quatre pas de l'air de la haye, A & B changent de place en passant a leurs gaulches, puis és quatre secondes mesures A & C changent de place, en passant a leurs mains droictes, tellement qu'ils se treuveront placez ainsi que voiez icy.

B C A.

Ce fait, B & C changeront comme dessus, puis B & A, tellement qu'ils se treuveront disposez ainsi que voiez és troisieme quatre pas de l'air de la haye.

C A B.

És quatre pas suyvants, C changera avec A, puis ledit C avec B, & ainsi se retreuveront comme au commencement.

A B C.

Capriol.

Si d'aventure les danceurs estoient plus de trois, l'entrelaz se feroit-il de mesme que venez de dire?

Arbeau.

Vous le pouvez conclure. Mais il fauldroit avoir esgard a ce que je vous vay dire: Posez le cas qu'ils soient sept en nombre, a b c d e f g. quand a le premier aura changé avec b le second, & que ledit a aura encore changé avec c le troisieme, & qu'il viendra a changer avec d le quatrieme, il fauldra quant & quant que b maintenant premier, commence de hayer & changer avec c maintenant le second, & ainsi consequemment.

Capriol.

A ce que vous dictes, j'ymagine que c soit le premier, & qu'il fauldra donc qu'il commence sa haye en changeant avec d, maintenant second, en mesme instant que b changera & fera la haye avec e, maintenant quatrieme, & ainsi consequemment.

Arbeau.

Vous le prenez & entendez fort bien: Le branle de l'Official ne vous sera pas si difficile.

B. DE L'OFFICIAL.

N'a pas long temps que ce branle est en termes, lequel se dance par mesure binaire, & par petits saults, comme le hault-barrois, & se commence par un double a gaulche & un double a droit repetez. Puis les danceurs vont tousjours a gaulche six simples durant, a la fin desquels les joueurs d'instruments font la cadance, lors les hommes preignent les femmes par le faulx du corps, & les font saulter & bondir en l'air, pour tumber a ladicte cadance, & cependant les hommes se tiennent fermes sur les pieds pour les soustenir, & en ces endroicts sont bien empeschez ceulx qui se parforcent de souslever celles qui ne se veuillent ayder de leurs coustez.

Tabulature du branle de l'Official.

Air de ce branle.	Mouvements d'iceluy.
	Pied gaulche largy.	Ces quatre pas font un double a gaulche.
	petit sault.
	Pied droit approché.
	petit sault.
	Pied gaulche largy.
	petit sault.
	Pieds joincts.
	petit sault.
	Pied largy droit.	Ces quatre pas font un double a droict.
	petit sault.
	pied gaulche approché.
	petit sault.
	pied largy droit.
	petit sault.
	Pieds joincts.
	petit sault.
	Pied gaulche largy.	Pendant ces pas icy, les danceurs vont tousjours du cousté gaulche, sans divertir a droict.
	petit sault.
	Pieds joincts.
	petit sault.
	pied largy gaulche.
	petit sault.
	Pieds joincts.
	petit sault.
	pied largy gaulche.
	petit sault.
Continuation de l'air.	Continuation des mouvements.
	pieds joincts.	La continuation de ces mouvements icy, se fait tousjours a gaulche, sans divertir a droict.
	petit sault.
	pied largy gaulche.
	petit sault.
	pieds joincts.
	petit sault.
	pied largy gaulche.
	petit sault.
	pieds joincts.
	petit sault.
	pied largy gaulche.
	petit sault.
	pieds joincts.	Pendant ces quatre pas icy, l'homme empoigne la femme par le faulx du corps, l'eslevant en l'air pour la faire saulter, & pour ce faire se retorne a la main droicte.
	Pied en l'air gaulche.
	Pied en l'air droit.
	pieds joincts.
	pause.

Capriol.

J'entends bien qu'il fault continuer ce branle, en repetant comme au commencement: Mais je le treuve de grand peine, joinct que pour le bien dancer, on depend en partie de la dexterité & allegresse de la Damoiselle qu'il fault que le danceur face saulter, & tel danceroit qui n'auroit pas force competente.

Arbeau.

Vous ne treuveriez pas de grand peine les branles des Gavotes, esquelz il ne fault point enlever en l'air les Damoiselles, seullement il les fault baiser.

Capriol.

Cest chose que je ferois aiseement & bien voluntiers, parquoy je desire les sçavoir & apprendre.

Arbeau.

GAVOTES.

Gavottes, cest un recueil & ramazun de plusieurs branles doubles que les joueurs ont choisy entre aultres, & en ont composé une suytte que vous pourrez sçavoir deulx & de voz compagnons, a laquelle suytte ils ont donné ce nom de Gavottes, lesquelles se dancent par mesure binaire, avec petits saults, en façon de hault barrois, & consistent de double a droit & de double a gaulche comme les branles communs: Mais les danceurs decouppent lesdits doubles tant a droit qu'à gaulche, par passages a plaisir tirez des gaillardes: Quand lesdits danceurs ont quelque peu dancé, l'un d'iceulx (avec sa Damoiselle) s'escarte a part, & fait quelques passages au meillieu de la dance au conspect de tous les aultres, puis il vient baiser toutes les aultres Damoiselles, & sa Damoiselle tous les jeusnes hommes, & puis se remettent en leur renc, ce fait, le second danceur en fait aultant, & consequemment tous les aultres: Aulcuns donnent ceste prerogative de baiser, seullement a celuy qui est le chef de la feste, & a celle qu'il mene: Et en fin ladicte Damoiselle ayant un chapelet ou bouquet, le presente a celuy des danceurs qui doibt payer les joueurs, & estre le chef de la feste a la prochaine assemblee, lequel y usera de mesme prerogative, & ainsi font par tour: Je vous donneray l'air du premier branle, & aulcuns decouppements que changerez a plaisir:

Tabulature d'une Gavotte.

Air de la Gavotte.	Mouvements.
	pied largy gaulche.	Passage de quatre pas, equipolents a un double a gaulche.
	petit sault.
	pied droit approché.
	petit sault.
	marque-pied droit croisé.
	petit sault.
	greve droicte croisée.
	petit sault.
	pieds joincts.	Passage de cinq pas, contenant la mesure de quatre pas, equipolents a un double a droit.
	petit sault.
	marque-pied g. croisé.
	marque pied droit croisé.
	greve droicte croisee.
	petit sault.
	pieds joincts avec capriole.

Voicy le reste de l'air du premier branle de la suytte des Gavottes, que sonnent noz joueurs de Lengres: Vous y adapterez les decouppements cy dessus, ou tels aultres qu'il vous plaira choisir & inventer, ou imiter aprés les bons & gaillards danceurs: Si ceste espece de dance fust venue du temps de mes premieres jambes, je neusse pas failly d'en faire des memoires.

	Double a gaulche.		Double a droict.

---

L'Orchesographie de Thoinot Arbeau appartient au domaine public et peut être utilisée sans restrictions.